فكاهة امتحانية

من طرف **drosamaali** الأربعاء 01 يونيو 2011, 7:41 pm

واحد مسطول .. دخل امتحان عربي ... جاءت الأسئلة على الشكل التالي:.

أعرب الجملتين التاليتين :
1- ( سور الصين العظيم )
2- ( مرض جنون البقر )

صاحبنا تنح شوية وبـــدأ يجـاوب::

اجابة البتاع الأولاني ( سور الصين العظيم )

سور : هو البتاع اللي بينط من فوقو الحرامي عشان يخش البيوت ويسرق..

الصين : نوع من أنواع الأدوات المنزلية ... بس نوع مفخر ة ... الطقم بيوصل ل 100 جنيه في العتبه

العظ : لما بيخش عليك حيوان بيعمل كده ... وأشهر حيوان معروف بالحاجه ديت ... هو الكلب

يم : تقريبا والله أعلم ... بحر او حاجه كده

يعني الجمله كلها معناها ......::
لما هينط حرامي من فوق السور ،عشان يسرق طقم صيني ، الكلب حايعضو فى البحر.
----------------------------------------------

اجابة البتاع التاني ( مرض جنون البقر )

مر : دي الحاجه اللي طعمها بيجيب مراره في الحلق
..... ويخليك تفصل دماغك قوام

ض : تقريبا حاجه زياده ... شوية حبر في الورقه ولا حاجه كده ... مالهاش لازمه من الإعراب

جن : اللهم احفظنا من العفاريت والجن والحركات دي يارب ... احنا ناقصين مزاوله

ون : دي اصلا انجليزي ... ومعناها ( رقم واحد ) ... لغات أنا برضه أزيدها فلكلام

ألب : دي جبال موجوده في بلاد بره ... وجبال عاليه أوي ... بتاع 200 كيلوجرام فوق سطح برج الجزيره

قر : ليها معنين حسب الجمله ذات نفسها
المعنى الأولاني : الحسد والقر والكلام ده .... ودي مش راكبه على الحوار بتاعنا
التاني : اختصار لكلمة ( قرنفل ) ... على طريقه المعلم ( رضا ) .... ---> انا باقص الكلا .... الكلام يعني .... ودي راكبه في الحوار ده ...

يبقى معنى الجمله دي.........::
المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه

[ندعوك للتسجيل في المنتدى أو التعريف بنفسك لمعاينة هذه الصورة]